Fleiri línuskip koma inn at landa í morgin, og tey hava mest av toski og hýsu.
Eitt línuskip er undir Íslandi. Tað er Sandshavið, sum væntandi landar miðskeiðis í vikuni sum kemur.
Á Rygginum roynir eisini eitt línuskip, sum helst eisini kemur inn at landa í morgin.
Veðurútlitini eru vánalig, og tí er væntandi, at flestu skip, sum royna undir Føroyum, stevna til lands.
Streymurin í vikuni, sum kemur, verður hampiligur, men væntandi er, at veðrið verður skiftandi.
- Vit vænta tí ikki nógvan útróður teir næstu dagarnar, sigur Fiskamarknaður Føroya.
