Í vikuni eru aftur eini sethús reist á Strondum, hesaferð við Nónvarða, tey rópa.
Eigarar av nýggju húsinum eru Kirstinbjørg Rasmusardóttir Prestá og Steinar Arnsteinsson Prestá.
Á heimasíðuni hjá Sjóvar kommunu siga tey, at tað er Sp/F TJ Smíð við Trygva Jóhanson, sum standa fyri arbeiðnum.
- Vit ynskja Kirstinbjørg og Steinari hjartaliga tillukku við reistu húsinum, siga tey í kommununi.
Seinnu árini er nógv bygt á Strondum, og eingin ivi er um, at nýggi Eysturoyartunniin hevur havt sína positivu ávirkan á gongdina.
Sjóvar kommuna hevur gjørt útstykkingar, bæði á Fríðufløtum og við Hálsatjørn, og nøkur grundstykki eru bygd, sum lógu aðrastaðni í bygdini.
Í kommununi verður arbeitt við at útvega fleiri kommunal grundstykki, og her verður eisini arbeitt við alternativum byggiverkætlanum.
##med2##
