Arbeiði við at fyrireika seg til komandi kapingarár eru longu farnar í gongd hjá flestu feløgunum. Í Klaksvík hava tey sett sum mið, at allir sáttmála skulu verða komnir upp á pláss áðrenn landskappingin endar, skrivar heimsíðan hjá felagnum.
Miðverjin, Jógvan Isaksen, hevur leikt allar minuttirnar í øllum 24 dystinum í landskappingini higartil. Hóast hann bara er 22 ár, so hevur hann sambært faroesoccer.com spælt 70 dystir í Effodeildini. Jógvan Isaksen hevur longt sáttmálan við einum ári.
Sørmund Kalsø er 20 ára gamal og hevur leikt 18 dystir fyri KÍ í ár. Samanlagt hevur miðverjin spælt 59 dystir í Effodeildini og hevur skrivað undir fyri kappingarárini 2013 og 2014.
Ivan Joensen er 20 ára gamal og hevur leikt 14 dystir fyri KÍ í ár. Hann hevur tilsamans spælt 26 dystir í Effodeildini. Ivan hevur skrivað undir fyri kappingarárini 2013 og 2014.
– Vit hava í kvittanum at fáa sáttmálarnar við okkara leikarar avgreiddar áðrenn seinasta leikdag tann 6. Oktober, sigur Jóhann Lutzen, stjóri í Sp/f KÍ við heimasíðuna hjá felagnum.
