Fyri einum ári síðani vóru 1839 gøtunøvn í Føroyum. Men í fjør komu átta nýggj aftrat í Landsadressuskránna, soleiðis at gøturnar nú eru 1847 í tali.
Tey átta nýggju gøtunøvnini, sum vórðu skrásett eru hesi:
Kerjagøta og Meinhartstrøð í Havn
við Myllutjørn í Hoyvík
við Eirikstoftir í Miðvági
á Rætt í Kollafirði
Oman í Fjøru í Funningi
á Grønabóli í Klaksvík
Lopransdalur í Lopra
Tað eru føroysku kommunurnar sum gera uppskot til veganøvn og húsanummur. Tey verða síðani send Umhvørvisstovuni, sum góðkennur og skrásetur tey í adressuskránni.
