Seinastu tíðina hevur løgreglan gjørt nógv burtur úr at kanna bilarnar við skúlar kring landið. Hesar kanningarnar hava verið tá ið skúlarnir byrja um morgnarnar og nógv foreldur koyra børnini í skúla.
Í gjáramorgunin varð løgreglan við skúlan á Toftum, og har vórðu fleiri foreldur tikin. Løgreglan steðgaði eini 40 bilum, og í hesum sambandi fingi seks bilførarar klipp tí at teir ikki høvdu syrgt fyri, at børnini sótu í trygdarbelti.
Tá ið talan er um børn undir 15 ár, er tað bilførarin, sum hevur ábyrgdina av at syrgja fyri, at tey sita í trygdarbelti og at tey heilt smáu eisini sita í barnasetri.
Ì hesum føri fingu bilførararnir 1.500 krónur í bót, umframt at tey fingu eitt klipp í koyrikortið. Harumframt fingu nakrir bilførarar átalu fyri ikki at hava koyrikortið uppi á sær.
