Í dag hevur eitt marglætishotell í høvuðsstaðnum Havanna á Kuba verið rakt av einari ógvusligari spreinging.
- Í minsta lagi átta fólk eru deyð, og 30 eru særd, upplýsir forsetaskrivstovan í landinum.
Skrivstovan hevur í einum Tvitter-boðum sagt frá hendingini, og her er eisini talið av deyðum, løstaðum og saknaðum kunngjørt.
Hildið verður, at tað var ein gassleki, sum elvdi til ógvusligu spreingingina.
5-stjørnaða hotellið, sum liggur miðskeiðis í høvuðsstaðnum, skuldi dagførast, og tí vóru eingir gestir á hotellinum.
Guvernørurin í Havanna, Reinaldo Garcia Zapata, sigur við kommunistisku ávísina, Granma, at partar av bygninginum eru oyðilagdir.
- 13 fólk eru framvegis saknað, og bjargingarlið eru á staðnum, har leitað verður eftir saknaðum í leivdunum, veit tíðindastovan NTB at siga.
