Klaksvíkar býráð fer á fundi í kvøld at taka støðu til, um sjálvsognarstovnurin undir Kráarbrekku skal byggja fleiri eldraíbúðir.
Nevndin fyri stovnin hevur heitt á býráðið um at taka málið uppaftur, og umsitingin hjá kommununi hevur roknað seg fram til, at 2. og 3. Byggistig av byggiætlanini fer at kosta 32,4 mió. krónur.
Bæði sosiala nevnd og fíggjarnevndin hava mælt at arbeiða víðari við ætlanini.
Biðilistin til at fáa eldraíbúð í Klaksvík er langur.
