Bátar eru í løtuni á veg út til grindina, ið ein bátur fann norður úr Barðinum fyrr í dag. Tað er norðanfyri Gásadal. Tað upplýsir Jacob Vestergaard, sýslumaður.
- Fleiri bátar eru farnir úr Sørvági og onkur bátur er longu komin fram, meðan aðrir eru á veg. Roynt verður at reka grindina til Bíggjar, men rákið er ikki við, upplýsir sýslumaðurin.
Sýslumaðurin upplýsir, at tað er óvist hvussu stór grindin er, men at upplýst er fyri honum, at tað er eitt sindur av grind.
Higartil í ár hava tvær grindir langt beinini í Vágum. Báðar løgdu tó beinini í Sandavági, og er hetta sostatt fyrsta grindin í Bø í ár.
