Sum vit skrivaðu fyri løtu síðani, so var ikki ætlanin, at fjølmiðlarnir skuldu verða við til atkvøðugreiðsluna. Men tann avgerðin er eftir øllum at døma broytt, og Tjóðveldi hevur sent út soljóðandi tíðindaskriv:
Leygardagin 2. november hevur Tjóðveldi eykafloksting í samband við, at Høgni Hoydal hevur boðað frá, at hann fer frá sum formaður.
Val av forfólki er fast punkt á skránni til árliga flokstingið, sum verður hildið um várið.
Av tí at Tjóðveldi skal hava nýtt forfólk í úrtíð er neyðugt við einum eykaflokstingi.
Tí eru einans tvey evni á skrá, sum eru:
- Val av forfólki
- Val av næstforfólki
Skráin:
- Aðalstjórnarforfólkið setir tingið
- Tingið skipar seg við tingforfólki og tingskrivara
- Val av forfólki
- Val av næstforfólki.
Eykaflokstingið verður á Hotel Føroyum kl 12.00.
Allir limir og tjóðveldisáhugað eru vælkomin. Vit bjóða ein lítlan drekkamunn.
Miðlar eru eisini vælkomnir at vera til staðar meðan eykaflokstingið er.
Spurningur og samrøður kunnu gerast tá eykaflokstingið er liðugt.
Floksleiðslan í Tjóðveldi
