Alt bendir á, at onkur hevur lurtað eftir tí, sum er farið fram á skrivstovuni hjá vinstrasinnaða týska politikaranum Wolfgang Neskovic. Í hvussu er hevur løgreglan funnið tvær mikrofonir, sum onkur hevði fjalt í tveimum lampum á skrivstovu hansara. Wolfgang Neskovic er limur í tí sosialistiska Vinstraflokkinum og er kendur fyri sínar hvøssu atfinningar at framferðini hjá týsku fregnartænastuni í sambandi við yvirgang. DPA skrivar úr Berlin, at týskir politikarar eru í øðini um avlurtingina.
