Danska veðurstovan DMI roknar við, at tað verður fitt av vindi næstu vikuna
DMI sigur, at mánadagin verða 8-13 m/s av suðri, sum frálíður av landsynningi. Ælaveður, men eisini sólglottar. Hitin millum 4 og 8 stig.
Týsdagin verða 8-13 m/s av suðri og landsynningi, út á dagin 10-15 m/s landsynningi, um náttina minkandi niður í 5-10 m/s av suðri og útsynningi. Skýggjað og sum frálíður regn av suðri, um kvøldið ælaveður. Hitin millum 4 og 7 stig.
Mikudagin verða 5-10 m/s av suðri, vaksandi upp í 10-15 m/s av landsynningi, um náttina 13-18 m/s av suðri og landsynningi. Sólglottar, men seinni skýggjað og ælaveður. Hitin millum 4 og 7 stig, um náttina millum 2 og 5 stig.
Hósdagin verða 13-18 m/s av suðri, minkandi niður í 5-10 m/s av útsynningi. Ælaveður, men eisini sólglottar. Hitin millum 4 og 7 stig, um náttina millum frostmarkið og 5 stig.
Fríggjadagin 5-10 m/s av landsynningi, vaksandi upp í 10-15 m/s. Um náttina 13-18 m/s av suðri og útsynningi. Skýggjað og sum frálíður regn av útsynningi. Hitin millum 4 og 7 stig.
