Niðurstøðan hjá norska samráðingarleiðaranum er greið. Samráðingarnar um fiskivinnuavtalu við Føroyar eru bara versnaðar. Eftir fleiri úrslitaleys samráðingarumfør um at skipa makrelfiskiskapin fyri 2011, ásetti Jacob Vestergaard, táverandi landsstýrismaður í fiskivinnumálum, føroysku makrelkvotuna til 150.000 tons. Tað hevur elvt til, at norska stjórnin er givin við samráðingunum.
- Hetta hevur helst við sær, at møguleikin at fáa fiskivinnuavtalu er fokin. Krøvini frá føroyingum eru bara økt við tíðini, sigur Ann Kristin Westberg við fiskivinnublaðið FiskeribladetFiskaren. Kringvarpið hevur tíðindini á sínari heimasíðu.
Ósemjan ber í sær, at føroyingar sleppa ikki at fiska í norskum sjógvi, og norðmenn sleppa ikki at fiska í føroyskum sjógvi, undantikið kvoturnar av sild og svartkjafti.
