Brimil tók í gjár trolaran, Topas, fyri at fiska við ov smáum meskum á einari leið eystan fyri Fugloynna.
Politiið fekk fráboðanina frá Brimli klokkan 18.45.
Brimil kom á Havnina við Topas, har skiparin varð ákærdur fyri at fiska við ov smáum meskum.
Skiparin játtar seg sekan.
Sektaruppskot verður lagt fyri skiparan seinni í dag. Topas royndi eystur úr Holinum, eystan fyri Fugloynna, tá Brimil tók hann.
