Fiburkaðalin hjá Føroya Tele, sum liggur úr Miðvági til Hvalbiar, er nú afturgjørdur.
- Kaðalin var farin í tveimum støðum - í Suðuroyarfirði og á Hvalbiarfirði. Skoytið í Suðuroyarfirði varð umvælt í oktober, og skoytið í Hvalbiarfirði varð umvælt í gjár.
Fiskiveiðieftirlitið veit at siga, at menn frá FT-Net skoyttu sjálvir fiburkaðalin, og til hetta arbeiði varð Brimil brúktur.
- Hetta vísti seg at rigga sera væl. Tá slík arbeiði eru gjørd áður, hevur FT-Net altíð leigað skip og fólk úr útlandinum.
Sagt verður, at tað er umfatandi arbeiði at skoyta ein slíkan fiburkaðal, tí hvørt skoyti tekur umleið tólv tímar at gera.
