Fremad Amager var á útivølli í næstbestu donsku fótbóltsdeildini í dag, har teir spældu javnleik 2-2. Millum málskjúttarnar hjá Fremad Amager var Finnur Justinussen, sum javnaði til 1-1, tá 86 minuttir vóru farnir av dystinum. Finnur Justinussen kom á vøllin í seinna hálvleiki.
Seinastu løtuna hendi nógv. Fredericia kom á odda 2-1 í 89. minutti, og í tíðini dómarin hevði lagt aftrat javnaði Rune Friis til 2-2, og tryggjaði Fremad Amager eitt stig.
Viljormur Davidsen var við frá byrjan, tá Vejle á útivølli spældi javnleik 3-3 ímóti Næstved. Talan var ikki um eitt gott avrik hjá Vejle, sum var á odda 2-0 í steðginum, og eisini 3-1 seint í seinna hálvleiki. Seinastu seks minuttirnar av dystinum fekk Fredericia tvey mál, og tað iðra tey seg í Vejle nógv um.
Vendsyssel FF vann tryggan 3-0 sigur á AB í Gladsaxe. Eingin føroyingur var millum málskjúttarnar.
Komandi sunnudag tekur Fremad Amager ímóti HB Køge í Sundby á Amager. Vejle tekur ímóti AB í Nørreskoven í Vejle, og Vendsyssel FF spælir á útivølli ímóti Roskilde.
Støðan:
| # | ||||||||
|---|---|---|---|---|---|---|---|---|
| 1 | Hobro | 28 | 15 | 5 | 8 | 50 - 31 | 50 | |
| 2 | Skive | 28 | 15 | 3 | 10 | 38 - 41 | 48 | |
| 3 | FC Helsingør | 28 | 12 | 11 | 5 | 39 - 25 | 47 | |
| 4 | Vendsyssel FF | 28 | 13 | 6 | 9 | 43 - 36 | 45 | |
| 5 | FC Roskilde | 28 | 13 | 6 | 9 | 40 - 38 | 45 | |
| 6 | HB Køge | 28 | 9 | 13 | 6 | 26 - 21 | 40 | |
| 7 | Vejle | 28 | 9 | 9 | 10 | 44 - 39 | 36 | |
| 8 | Fredericia | 28 | 9 | 9 | 10 | 29 - 36 | 36 | |
| 9 | Fremad Amager | 28 | 8 | 10 | 10 | 39 - 40 | 34 | |
| 10 | Nykøbing FC | 28 | 9 | 6 | 13 | 37 - 44 | 33 | |
| 11 | Næstved | 28 | 7 | 7 | 14 | 40 - 47 | 28 | |
| 12 | AB Gladsaxe | 28 | 5 | 3 | 20 | 27 - 54 | 18 |
