Tað er ikki altið lætt at avlesa hvørjum stigi ein venjingardystur er á, men í løtuni ger Finnur Justinussen ikki annað enn at skjóta mál. Hesa ferð í venjingardysti móti Avarta, sum spælir triðbestu deildini í Danmark.
Les eisini: Finnur skoraði fyri Fremad
Heimasíðan hjá Fremad Amager skrivar, at talan var um rótutan dyst. Føroyski áleyparin skoraði til 2-0 stutt fyri hálvleik. Fremad Amager, sum eisini hevur Heina Vatnsdal í hópinum, vann 3-1. Vágbingurin er sjálvskrivaður í verjupartinum hjá liðnum í løtuni.
Les eisini: Finnur skoraði hattrik
Finnur Justinussen hevur skotið fleiri mál í venjingardystunum eftir ársskiftið. Millum annað hattik í einum av teimum. Tó eru onkrir dystir móti veikari liðnum, men tað er hugaligt fyri landsliðsvenjaran, at bæði Heini Vatnsdal og Finnur Justinussen standa seg væl. Teir eru báðir í útikantinum av landsliðshópinum.
Les eisini: Finnur skoraði við fyrstu nerting
Fremad Amager og navnframi venjarin, John ”Faxe” Jensen, fara í næstum til Turkaland á venjingarlegu við liðnum. Fremad Amager liggur í vetrarsteðginum nummar fimm í næstbestu deilini í Danmark. Tvey stig frá uppflyting til superliguna.
