Finnur gjørdist kendur á føroyska tónleikapallinum við Páll Finnur Páll, men hevur nógvar royndir, sum barr- og cafésangari. Bæði sum einstaklingur og saman við øðrum hevur hann spælt heilt nógv í Føroyum seinastu árini. Nú er hann búsitandi í Århus, har hann lesur. Finnur eigur stóran part av løgunum hjá Pál Finnur Páll, og tí verður hesin lagaskattur ivaleyst millum løgini, sum verða spæld í Føroyahúsinum fríggjakvøldið.
