Januar var ein framúr góður mánaður hjá Havsbrún, tá nótaskipini lógu í bíðirøð fyri at landa til virkið í Fuglafirði.
Keðiligt veður í februar hevur ført við sær, at fiskiskapurin eftir svartkjafti ikki hevur verið eins góður, men í dag er aftur virksemi á bryggjuni í Fuglafirði.
Tað er nótaskipið Finnur Fríði, ið hevur verið á svartkjaftaveiðu, ið er komi á Fuglafjørð í morgun.
Á síni heimasíðu upplýsir Havsbrún, at skipið hevur fiskað 2550 tons av svartkjafti, og byrja varð at landa í morgun.
Talan er um fyrsta túrin hjá Finnur Fríða aftaná, at skipið hevur verið á beding og fingið nýtt dekk.
