Nótaskipini fáa góða sild norðanfyri. Finnur Fríði hevur roynt við nót hendan túrin, men teir høvdu tó eitt tov við troli. Teir royndu á 68 stigum norður tætt móti norska markinum.
Teir hava fingið 800 tons av sild, og eru á veg móti Lerwick. Teir vera væntandi inni tíðliga í kvøld.
Støddin er 340 til 345 gram í miðal, og prísurin liggur um 3,45 NOK fyri kilo.
Saksaberg mynstraði í Gøtu 3. septembur og fór á sildafiskarí norðanfyri, eysturi móti norska markinum.
Teir hava roynt á somu leið sum Finnur Fríði. Teir hava fingið 450 tons av sild, sum vigar 340 gram í miðal.
Teir landa hjá Sevrin Tranvåg AS og hava fingið 3,44 NOK fyri kilo, skrivar Vinnan.
