Í Finnlandi eru tey ikki trygg við Russland sum nærmasta granna, nú landið hevur verið í kríggi ímóti Ukraina síðan hin 24. februar í ár.
Tí hava finnlendingar gjørt av at byggja eina byrging - ella ein múr - á markinum móti Russlandi, og slíkt er óhoyrt í nýggjari tíð í okkara parti av heiminum.
Tíðindastovan NTB veit í dag at siga, at fyrsti partur av byggingin av einari slíkari byrging byrjar fyrst í komandi ári, veit ein marknaðvakt at siga.
Finnland er tað landið í Evropa, sum hevur longsta landamark móti Russlandi - ella 1.340 kilometrar tilsamans.
Tað var í oktober í ár, at flokkar í finska Ríkisdegnum gjørdust samdir um, at neyðugt er at byggja eina byrging á pørtum av landamarkinum millum londini.
