Um vikuskiftið skulu bestu karaokesangararnir í Føroyum kjósast.
Hetta verður leygarkvøldið, tá FM í karaoke er á skránni í Glitnir.
Seinastu trý vikuskiftini hevur KWC Føroyar skipað fyri undankappingum í FM í karaoke. Kappingarnar hava verið hildnar á Tvøroyri, Klaksvík og Tórshavn.
Í undankappingunum er funnið fram til teir persónarnar, ið leygarkvøldið skulu kappast í finaluni.
Ein mannligur og ein kvinnuligur vinnari skulu kjósast, og samstundis sleppa báðir vinnararnir til Finnlands seinni í heyst, tá heimsmeistaraskapið í karaoke er á skránni.
Tey, ið eru komin í finaluna og skulu kappast keygarkvøldið, eru Birita Poulsen, Kenneth Jørgensen, Paula Danielsen, Mikkjal H. Helmsdal, Christina Eirksen, John-Reid Nybo, Margit Joensen og Kristian Johannesen.
