Vinnuskráin øktist nakað í farnu viku, tá fýra nýggj íverksetarafeløg og eitt nýtt smápartafelag sóu dagsins ljós. Harumframt vóru týðandi broytingar í nevndum og leiðslum, skrivar Business-Line.
Tey fimm nýggju feløgini eru:
ÍVF Rökk hjá Kirstin Vang, búsitandi í Keypmannahavn, sum skal reka virksemi við sosialum miðlum, myndatøku, ferðavinnu og branding.
ÍVF Vaskiskúrurin á Gørðum hjá Aleksander Nordenskjold Vilhelm úr Vági, sum skal handla við og leiga út fastogn.
Sp/f TVS Holding hjá Tummasi við Skipá úr Hoyvík, sum skal eiga og umsita ognir.
ÍVF 28.02.18 hjá Niklas Hansson og Reidar Luid, búsitandi í Keypmannahavn, sum skal reka virksemi við handli og tænastum.
ÍVF Finala hjá Sasho Bjartsson og Rana Jóhann Petersen úr Havn, sum skal fáast við framleiðslu av sjónbondum og grafiskum arbeiði.
