Altjóða fótbóltssamgongan, FIFA, arbeiðir í løtuni við at víðka HM í 2022, so tað verða 48 lond við til endaspælið, heldur enn tey ætlaðu 32. Tað er AP-tíðindastovan, sum hevur fingið fingarnar í eina 83 síður langa frágreiðing hjá FIFA.
Har stendur millum annað, at FIFA enn arbeiðir við at víðka HM-endaspælið í Katar, so tað koma 48 lond við til endaspælið. Har stendur eisini, at tað krevur eina vertstjóð, sum kann hýsa HM-endaspælinum saman við Katar.
Mett verður, at tað skulu gerast fýra nýggir leikvøllir, fyri at endaspælið kann avgreiðast í tíðarskeiðinum frá 21. november til 18. desembur í 2022, men tað krevur at tað verða fleiri dystartíðspunktir, meðan bólkaspælið verður avgreitt.
Í frágreiðingin hjá stendur eisini, at við hesi broytingini kann FIFA økja um yvirskotið av endaspælinum við áleið 2,6 milliardum krónum.
Hetta málið verður avgreitt á FIFA-toppfundi í Maimi Í USA um vikuskiftið. Tað er longu nú staðfest, at HM í 2026 kemur at hava 48 lond.
