Altjóða Fótbóltssambandið Fifa syrgdi í dag fyri, at landsliðsvenjarin hjá Marokko, Reynald Pedros, og liðskiparin, Ghizlane Chebbak, ikki skuldu svara spurningi um kynsligan samleika.
Á vanliga tíðindafundinum undan HM dystinum ímóti Týsklandi spurdi ein journalistur frá BBC, um nakar á liðnum hjá Marokko var samkyndur.
Marokko er fyrsta arabiska landið, sum hevur spælt seg til HM endaspælið hjá kvinnu. Sambært trygdarfyriskipanum frá uttanríkisráðnum í Maroko kann »kynsligt samband við ein av sama kyni« rættarfylgjast í norðurafrikanska landinum. Tað skrivar týska tíðindastovan dpa.
Verjuspælarin hjá Marokko, Nouhaila Benzina, verður tann fyrsta at spæla við hijab í einum HM endaspæli.
Dysturin millum Marokko og Týskland byrjar í morgin klokkan 9:30 okkara tíð.
/ritzau/dpa
