FIF vann sera týðandi botnuppgerð

Liðið hjá Jónasi G. Djurhuus, Janusi Dam Djurhuus, Boga Hansen og Leivi Mortensen, FIF hevur havt eina tunga byrjan upp á kappingarárið í næstbestu donsku hondbóltsdeildini. Í teimum fyrstu fimm dystunum eydnaðist tað bert FIF at fáa tvey stig.

Í dag bragdaði tó hjá føroyingaliðnum á Frederiksberg í Keypmannahavn. Á útivølli móti Rækker Mølle, ið hevði fýra stig undan dystinum eydnaðist tað FIF at vinna 31-27 á heimaliðnum. Í steðginum var FIF á odda 16-14.

Bogi og Leivur skutu trý mál hvør, og Jónas skoraði tvey mál.

Landsliðsmálverjin, Pauli Jacobsen og liðfelagarnir í HØJ hava framvegis fult stigatal aftaná seks dystir. Ígjár vann HØJ ein harðvunnan 34-33 sigur á Midtjyllandi frammanfyri 1.145 áskoðarum í Herning. Í steðginum var Midtjylland á odda 18-15, men Pauli, Hans Lindberg og hinir hjá HØJ knógvaðu sigurin. Simen Schønningsen skoraði sigursmálið tá bert 10 sekund vóru eftir av dystinum.

Støðan: