Um vikuskiftið verður festivalurin TXT.VILLE hildin. Talan er um ein norðurlendskan bókmentafestival, sum tekur støði í norðurlendskum tíðarritum og smáum forløgum. Festivalurin fer fram á Norður Atlants Bryggjuni í Keypmannahavn.
Sambært heimasíðuni hjá TXT.VILLE er skráin løgd í samstarv við persónar, ið eru virknir innan bókmentir í Føroyum, Grønlandi, Danmørk, Íslandi, Svøríki og Noregi. Endamálið hjá TXT.VILLE er at styrkja samrøðuna um bókmentir millum norðurlondini. Tískil kann festivalurin bjóða m.a workshops, lesibólkar, upplestur, tónleik og annað.
Tey, ið umboða Føroyar á festivalinum eru:
Sissal Kampmann - yrkjari og fyriskipari av TXT.VILLE
Kim Simonsen - yrkjari, kritikari og fyriskipari
Forlagið Eksil
Trygvi Danielsen - rithøvundur, yrkjari og tónleikari
Rasmus Borðoy - tónleikari
Vónbjørt Vang - yrkjari
Festivalurin byrjaði hósdagin, og heldur fram allan dagin.
Til ber at lesa meira um festivalin á heimasíðuni hjá TXT.VILLE: http://www.txtville.net
