Løgreglan hevur fyri løtu síðani stongt Norðoyatunnilin.
Sambært vakthavandi er talan um eitt lítið ferðsluóhapp í tunlinum, sum krevur, at ruddað verður upp, áðrenn ferðsla aftur sleppur gjøgnum tunnilin.
Talan er um ein bil, sum niðri í tunlinum hevur borið við ein kantstein. Bilførarin hevur síðani mist tamarhaldið á bilinum og endin varð, at bilurin stóð tvørt fyri í tunlinum, ikki førur fyri at koyra víðari.
Vakthavandi á løgreglustøðini sigur, at bilførarin ikki fekk skaða í óhappinum.
Nú er tunnilin stongdur, inntil kranabilur hevur verið eftir skadda bilinum.
