Løgreglan sigur, at júst nú verður ein persónur fluttur á Landssjúkrahúsið orsaka av onkrum smáskaða í sambandi við ferðsluóhappið í Søldarfirði fyri góðum tíma síðani.
Tveir treylarar rendu saman og tóku ein persónbil við sær í stoytinum. Eini treylarin er rullaður oman í túni hjá fólki, sum búgva í Søldarfirði.
Les eisini: Tveir treylarar í ógvusligum samanstoyti í Søldarfirði
Løgreglan sigur, at tá ið sjúkrabilurin er farin avstað við tí skadda persóninum, verður treylarin á vegnum fluttur og ferðslan kann halda fram sum vant.
Annars hevur ferðslan verið leidd eftir gamla vegnum í Søldarfirði og tað hevur skapt nakað av ruðuleika hesa løtuna.
