Ferðslan í Norðoyatunnilin og Vágatunnilin áleið tann sama í 2010 sum í 2009. Í Norðoyatunlinum hevur miðalferðslan í 2010 verið 1.938 akfør um samdøgrið, í mun til 1.914 akfør um samdøgrið í 2009. Íalt koyrdu 707.404 akfør gjøgnum Norðoyatunnilin í 2010 og 688.460 í 2009, ein øking á 1,3%.
Í Vágatunlinum var miðalferðslan í fjør 1.591 akfør um samdøgrið. Sama tal var 1.604 akfør um samdøgrið í 2009. Samlaða ferðslan í Vágatunlinum var 580.750 í 2010 og 585.826 akfør í 2009, ein minking á 0,9%.
- Nevnd og stjórn endurskoða við jøvnum millumbili gjøldini fyri at koyra gjøgnum tunlarnar. Í ætlanunum sum eru lagdar í báðum feløgunum fyri 2011, vænta feløgini at ferðslan verður á sama støði sum í 2010. Við óbroyttum prísum og somu ferðslu verður væntað, at bæði feløgini geva eitt avlop í 2011, sigur Uni Danielsen, sum er stjóri í báðum tunnilsfeløgunum.
