Hvør er kenslan, nú Sandoyartunnilin er latin upp?
- Hetta er ein sera spennandi tíð, og eg vænti, at nógv fólk fara at koma suður, sigur Fridrikka Maria Jensen á Sandi.
Hvønn týdning heldur tú, at tunnilin fer at fáa fyri Sandoynna?
- Eg vænti og vóni, at fleiri fólk flyta í oynna, nú ferðasambandið ikki verður sjóvegis, og at fleiri ung fara at støðast í oynni.
Sært tú nakrar vansar við fasta sambandinum, sum nú verður?
- Tað er ilt at siga, men um so verður, mugu teir takast upp og loysast.
Fert tú at sakna gomlu farleiðina við Teistanum um Skopunarfjørð?
- Tað hava verið fleiri góðir og minni góðir túrar um fjørðin, og tað verður løgið ikki at fara í bát, tá tú fert av oynni.
Fridrikka Maria Jensen sigur, at hon fer ikki at sakna gomlu farleiðina, men gleðir seg heldur til, at tað verður koyrandi av oynni og í oynna.
