Jacob Kjøller, býraðslimur á Bornholm, hevur tikið seg úr kommunustýrinum.
Hann heldur seg ikki vera verdugan at vera politikari, tí herfyri sló hann konu sína. Málið er meldað til politiið.
Jacob Kjøller hevur alment boðað frá, at hann skammast yvir gerð sína, sum fór fram ein dag, hann var fullur. Hann viðgongur, at hann hevur brúk fyri hjálp og er farin í sálarliga viðgerð.
- Eg havi valt at taka meg úr politikki. Mítt trúvirði er farið í spønir av hesum. Mín gerð samsvarar ikki við míni og tí, sum eg fegin vildi staðið fyri sum menniskja og politikaru. Hesum taki eg ábyrgdina og fylgjurnar av.
