Ferðavinnufelagið hevur fingið fleri áheitanir frá vinnuni um at skipa soleiðis fyri, at vinnan møtist, óformelt, nakrar ferðir um árið.
Hettar hevur Ferðavinnufelagið valt at gjørt nakað við og hevur avgjørt at áhugað í ferðavinnuni møtast á Kafe Kaspar á Hotel Hafnia á Áarvegnum hesar dagar í 2012:
3. februar kl. 15.30
16. marsk kl. 15.30
27. apríl kl. 15.30
1. juni kl. 15.30
7. september kl. 15.30
26. oktober 15.30
30. november 15.30
Ferðavinnuferlagið heitir á øll, um at seta kross við hesi dato í kalendaranum.
Einki serligt er sett á skránna til hesar fundir, lagt verður bara upp til, at ferðavinnan møtist, prátar saman og sparrar. Tað kann tó meira enn so henda, at skipað verður fyri onkrum í sambandi við hesar fundir, men einki er lagt fast enn.
Ferðavinnufelagið vónar, at tað verður tikið væl ímóti hesum tiltaki, skrivar Vinnuhúsið á heimasíðu síni.
Henny á Líknargøtu (myndin) er nýggj forkvinna í Ferðavinnufelagnum.
