– Tað hevur verið funnist at lønarviðurskiftunum hjá landsstýrisfólkum. Eg haldi, at skipaninin skal broytast. Í løtuni endurskoðar ein óheft nevnd viðurskiftini, og ætlanin er at leggja uppskot til nýggja reglur fyri løgtingið í hesi tingsetuni, segði løgmaður.
Tá løgmaður sipar til, at funnist hevur verið at lønarviðurskiftunum, so meinar helst við tað mikla kjak, sum hevur verið serliga um skattafríu koyripengarnar – upp til góðar 13.500 krónur skattafrítt um mánaðin, og serliga stóru pensjónina, sum landsstýrisfólk kunnu upptjena sær eftir einans átta árum, meðan vanlig fólk skulu nýta út við 40 ár fyri upptjena sær tilsvarandi pensjón.
Í síðstu tingsetu feldi landsstýrissamgongan eitt uppskot frá Rigmor Dam um at taka av skipanina við koyripengum. Men nú hevur løgmaður so lovað, at viðurskiftini verða broytt fyri næstu ólavsøku.
