Fólk, sum fara til Indonesia at halda frí, eiga ikki at drekka eitt slag av lokalum víni, tí tað vísir seg, at tað eitrandi evnið metanol er í víninum. Tað sigur kunningarstjórin hjá donsku ferðaskrivstovuni Apollo, Rikke Koks Anderassen, við danska kringvarpið. Hon sigur, at í løtuni hava tey bara nøkur fá ferðafólk í Indonesia og á Bali, men at tey kortini hava valt at kunngera ávaringina.
Svenska blaðið Aftonbladet skrivar um tann 28 ára gamla svian Johan (myndin), sum var og ferðaðist á indonesisku oynni Gili Trawangan, sum er í landsdynningspartinum av landinum. Á einari barr gjørdi hann av at fáa sær ein drykk av slagnum Mojito, sum er sera væl umtóktur har um vegir. Men hetta var ikki ein vanligur Mojito-drykkur, tí metanol var í honum. Um kvøldið bleiv tann ungi sviin sjúkur, og tá sjúkrabilurin kom eftir honum, var hann deyður. Líkkanningin avdúkaði, at hann hevði nógv metanmol í kroppinum, skrivar Aftonbladet.
Indonesiskir fjølmiðlar skriva, at umleið 50 fólk eru deyð av metanoleitran har í ár.
