Tá Ternan legði at í Nólsoy klokkan umleið 16.50, fekk ferðafólkið undirhald av Fenris bólkinum við gøtuleiki.
Tey stóðu hvø síni megin landgangin og sungu, meðan fólk og bilar komu í land av Ternuni. Síðani vórðu øll boðin longur yvir á keiina, har norðurlendski ungdómsleikbólkurin framførdi gøtuleik í umleið hálvan tíma.
Nólsoyingar stóðu trúliga í sólskinninum og hugdu at hesum ungu, sum førdu fram eini fimm-seks ymiskar stuttleikir.
Ein hugnalig løt í góðveðrinum á keiini í Nólsoy.
