Hevur onkur sæð ein bileigara ganga runt og leita eftir bilinum hjá sær á G! festivalinum í nátt, er tað ikki vist, at tað er tí hann hevur verið so í ørviti, at hann ikki minnist hvat hann setti bilin.
Bilurin stendur nevniliga ikki longur í sama stað, har hann setti hann.
Løgreglan sigur, at í nátt komu tey fram á ein bil, sum stóð so ófantaliga parkeraður at kalla mitt á landsvegnum við Syðrugøtu, at tey vildu hava bilin burtur.
Hann var til so stóran ampa fyri ferðsluna, at hann kundi ikki verða standandi og tí
royndu vit at fáa fatur á eigaranum, sigur løgreglan.
Løgreglan stúrdi serliga fyri, at onkur skaði kundi standast av, tí bilurin stóð so árendur at kalla mitt á vegnum.
Men tað bar ikki til at fáa fatur á tí, sum átti bilin, og tí varð sent boð eftir flutningsbili, sum kundu flyta bilin.
Hann varð tískil tikin og fluttur á eitt pláss, har hann ikki var til ampa fyri ferðsluna.
Men tað varð alt samalt gjørt fyri eigarans rokning, so hann fær eina rokning sendandi í postinum fyrsta dagin, og hon verður ikki lítil, serliga tá ið hugsað verður um, at tað var mitt á nátt eitt vikuskiftið.
Løgreglan sigur, at annars hevur tað verið stak friðarligt í nátt. Eisini á G! í Gøtu hevur verið stak friðarligt, hóast nógv fólk varð savnað har i nátt.
Niðanfyri eru annars fleiri myndir av G! í gjár
