Beint eftir midnátt í nátt fekk løgreglan eina fráboðan úr miðstaðarøkinum um, at eitt arbeiðsfólk helst hevði fingið kaustiska sodu í eyguni.
- Sum skilst, spruttaði soda upp í andlitið, meðan arbeitt varð við reingerð, og hildið varð, at sterka vaskievnið eisini varð komi í eygað.
Vaktleiðarin á løgreglustøðini visti í morgun at siga, at viðkomandi endaði á Landssjúkrahúsinum til kanningar.
- Vit hava ikki tosað við viðkomandi enn, og seinni í morgun fara vit eisini at venda okkum til arbeiðsplássið, har hendingin fór fram.
Løgreglan veit ikki at siga í løtuni, hvør orsøkin var til arbeiðsóhappið í nátt.
- Málið verður kannað, og møguliga kemur Arbeiðseftirlitið eisini upp í málið, visti vaktleiðarin at siga í morgun.
