Muslimarnir í Teilandi fegnast um, at herurin hevur rikið Thaksin Shinawatra, forsætisráðharra frá, tí teir vænta, at herurin er betur førur fyri at loysa ósemjuna við teir muslimsku uppreistrarmenninar har suðuri í landinum.
Muslimarnir í Suðurteilandi krevja at fáa sjálvsstýri, men stjórnin hjá Thaksin hevur sett hart ímóti hørðum og hevur sent servandar herdeildir eftir uppreistrarmonnunum. Nú vænta muslimarnir eina broyting, tí herovastin, sum hevur evsta valdið nú, er muslimur. Hann hevur tó ikki givið muslimunum nakað lyfti, men sigur, at Teiland skal hava eina nýggja grundlóg.
Eins og aðrastaðni í Teilandi hevur tað verið friðarligt í teimum muslimsku økjunum, síðani herurin tók valdið fyrr í vikuni. Eygleiðarar siga, at flestu teilendingar tykjast góðtaka kvettið, sjálvt um umheimurin hevur fordømt tað. Eitt nú hevur amerikanska stjórnin sagt, at kvettið kann hava við sær, at amerikanska hjálpin til Teilands verður steðgað. Kvettið er eitt afturstig fyri demokratiið, siga Hvítu Húsini.
