Danmark
Tað hevur ljóðað, at norski málverjin hjá donsku meistarunum úr FCK, Thomas Myhre, ikki hevur havt hug at støðast í felagnum, sum hann hevur læntur til í hálvt ár.
Myhre hevur áður vart málið hjá Everton, men av fíggjarligum ávum vildu onglendingarnir ikki nýta hann longur.
Tí hevur hann nú verið í FCK, men sjálvur sigur norðmaðurin seg hava hug at royna seg í londum, har kappingin er harðari enn í Danmark.
Um tað eru útlitini fyri Champions League fótbólti, ella um orsøkin er ein onnur, er ikki greitt, men keldur í FCK vita nú at siga, at felagið er nærum komið ásamt við málverjan um sáttmálaviðurskiftini.
Sostatt bendir á, at Myhre framvegis verður í FCK komandi kappingarár, tá liðið skal royna at vinna seg fram í sterkastu europeisku kappingini.
