Sunnudagin spældi FCK fyrsta dystin í superliguni, síðani teir framdu bragdið ímóti Ajax. Og FCK kom rættiliga niður á jørðina aftur, tí felagið hjá Jón Róa Jacobsen og Súna Olsen vann dystin í Parkini 2-0. AaB skoraði bæði málini tíðliga í dystinum, og teir úr Aalborg kláraðu at halda tætt, tá ið FCK royndi at trýsta í seinna hálvleiki. AaB liggur framvegis ovast í superliguni. Liðið hevur nú 18 stig eftir 7 dystir og er fýra stig frammanfyri næsta liðið á stigatalvuni.
