Supeliga
Síðani TV3 keypti rættindini til at senda beinleiðis frá donsku superliguni, hevur verið vanligt, at í minsta lagi ein dystur hvønn leikdag verður fluttur. Hetta tí beinleiðis varpanin av hesum ikki skal nerva áskoðaratalið til aðrar dystir í supeliguni.
Sjónvarpsrásin roynir sjálvsagt at velja teir mest áhugaverdu dystirnar út til hetta, og eftir fyribils skránni hjá TV, er FCK avgjørt mest áhugaverda liðið í vár.
Ikki færri enn tríggjar av teimum ferðunum, sum fyribils eru ásettar, verður tað FCK, sum verður á skíggjanum hjá TV3. Talan er um heimadystin móti Aab, umframt útidystirnar móti Brøndby og AB.
Har umframt er eisini greitt, at dysturin millum FCK og Silkeborg, sum verður leiktur seinast í apríl mánaði, verður fluttur, so til ber at varpa beinleiðis frá hesum.
