Í dag fær VB/Sumba vitjan av FC Hoyvík.
VB/Sumba vann fyri einari viku síðani í Runavík. Tá ið B71, sum var oddalið, snávaði á Skála, varð VB/Sumba nýtt oddalið. Í dag skal oddasessurin verjast á heimavølli.
Stórur partur av manningini hjá FC Hoyvík var nýggjur, tá ið liðið leygardagin vann grannauppgerðina ímóti HB. Hóast tað eru fimm stig millum hoyvíkingar og uppflytingarpláss, so hava teir í FC Hoyvík ikki mist vónina um, at tað skal eydnast at flyta upp.
Sandoyingar hava skift eitt sindur av fólki í summar. Í fyrstu royndini eftir summarsteðgin hilnaðist tað væl, tá ið B71 fekk fult á Sevmýri, men so gekk tað av skriðuni, tá ið B71 vitjaði á Skála. Í dag eigur B71 heimavøll ímóti HB, sum einki hevur fingið burturúr síðani summarsteðgin. HB møtti ikki í Vági, og síðani tapti HB 3-2 ímóti FC Hoyvík.
Síðani summarsteðgin hevur TB spælt tveir heimadystir. Eftir tap ímóti B71 eydnaðist tað at vinna 4-1 ímóti Víkingi. Í dag er TB favorittur í Miðvági.
Tvær uppgerðir eru í Eysturoy. B68 fer at vitja Víking í Leirvík, og NSÍ fer at vitja á Skála.
1. deild
17. umfar
Leygardagin 1. august
VB/Sumba-FC Hoyvík: Petur Reinert kl. 15.00
Víkingur-B68: Rói Jacobsen kl. 15.00
B71-HB: Birgir Sondum
Skála-NSÍ: Andrew Christiansen kl. 15.00
MB-TB: Alex Troleis
Støðan
VB/Sumba 31
B71 30
HB 28
TB 28
FC Hoyvík 25
B68 23
NSÍ 21
Víkingur 20
Skála 14
MB 5
