Ein dystur var eftir at avgreiða í Faxe Kondi kappingini hjá kvinnum.
Í bólki 1 er tað greitt, at H71 1 við seks stigum og Stjørnan við fýra stigum hava vunnið seg víðari í hálvfinalurnar.
Í kvøld spældu StÍF og H71 2 seinasta dystin í bólkinum.
Tað eydnaðist StÍF at koma á stigatalvuna við tryggum 34-26 sigri. Í steðginum vóru strandakvinnur á odda 18-11.
Rebekka Justinussen skoraði 10 mál fyri StÍF, og fyri H71 2 gjørdist Lukka Arge toppskjútti við átta málum.
H71 1 møtir Neistanum í hálvfinalunum. Í hinari hálvfinaluni møtast Kyndil og Stjørnan.
StÍF-H71 2 34-26 (18-11)
Málskjúttar StÍF: Rebekka Justinussen 10, Poula Dulavík 8, Karina B. Høgnisen 6, Guðrið Ellingsgaard 5, Emmy Kass 3, Fríða P. Poulsen 1, Fríða J. Petersen 1.
Málskjúttar H71 2: Lukka Arge 8, Inga Marta Joensen 6, Elisabet Simonsen 5, Poula Fríðheim Petersen 3, Alda Gilladóttir 2, Maria V. Ludvig 1, Hanna J. Dalsgarð 1.
