Finalan í Faxe Kondi kappingini hjá kvinnum verður millum Neistan og Kyndil.
Neistakvinnur vunnu í seinnu hálvfinaluni í Hoyvíkshøllini stórsigur 33-24 á H71. Longu í steðginum vóru neistakvinnur á odda 18-9, og tær kláraðu at hálda stásið við líka í seinna hálvleiki.
Hóskvøldið vann Neistin 30-27 á H71 í tí fyrru hálvfinaluni. Sostatt vann Neistin ein samlaðan 63-51 hálvfinalusigur á H71.
Anna Elisabeth H. Weyhe var toppskjútti hjá H71 við átta málum. Maria P. Nólsoy var toppskjútti hjá Neistanum við níggju málum.
Neistin var seinast í Faxe Kondi finaluni í 2021. Tá taptu tær 20-22 fyri H71. Seinast Neistin og Kyndil hittust í Faxe Kondi finaluni var í 2017. Tá vann Kyndil 26-21.
HER ber til at síggja dómaraseðilin frá HSF frá seinnu hálvfinaluni í Hoyvíkshøllini:
##med2##
