Um vikuskiftið var 34. umfar í Premier League og alt er við tað sama í oddinum. Manchester City hevur munin á Arsenal, Newcastle United og Manchester United nærkast Champions League, meðan Liverpool nú er á fimta plássinum.
Erling B. Haaland skoraði sítt mál nummar 50 í hesum kappingarárinum, tá Manchester City vann 2-1 á Fulham. Hetta er hansara 34. mál í Premier League kappingarárinum. Fulham javnaði, áðrenn Julian Alvarez skoraði sigursmálið. Manchester City er nú oddalið og hevur munin á Arsenal.
Newcastle United var aftanfyri 1-0 móti botnproppinum Southampton, men vendi øllum og vann 3-1. Nýríka felagið hevur kós móti Champions League og tað kemur helst at skunda undir ætlanina, at gera Newcastle til eitt toppfelag í Evropa.
Manchester United heldur eisini frástøðuna niður til hini, ið vilja sleppa í Champions League. Bruno Fernandes skoraði sigursmálið í 1-0 sigrinum á Aston Villa, sum annars hevur havt eina avbera góða gongd seinastu mánaðirnar.
Liverpool vann triðja dystin upp í slag við dramatiskum 4-3 sigri á Tottenham. Liverpool var á odda 3-0 aftaná eitt korter, men í yvirtíðini javnaði Tottenham til 3-3. Bara minuttin seinni skoraði Diogo Jota til 4-3 til Liverpool, sum tó ikki tykist kunna røkka Champions League fótbólti.
| 30.04 | Liverpool | 4:3 | Tottenham |
| 30.04 | Manchester Utd | 1:0 | Aston Villa |
| 30.04 | Bournemouth | 4:1 | Leeds |
| 30.04 | Newcastle | 3:1 | Southampton |
| 30.04 | Fulham | 1:2 | Manchester City |
| 29.04 | Brighton | 6:0 | Wolves |
| 29.04 | Brentford | 2:1 | Nottingham F. |
| 29.04 | Crystal Palace | 4:3 | West Ham |
| 01.05 | Leicester | : | Everton |
| 02.05 | Arsenal | : | Chelsea |
| 1 | Manchester City | 32 | 24 | 4 | 4 | 84:30 | 76 |
| 2 | Arsenal | 33 | 23 | 6 | 4 | 78:38 | 75 |
| 3 | Newcastle | 33 | 18 | 11 | 4 | 61:27 | 65 |
| 4 | Manchester Utd | 32 | 19 | 6 | 7 | 49:39 | 63 |
| 5 | Liverpool | 33 | 16 | 8 | 9 | 65:42 | 56 |
| 6 | Tottenham | 34 | 16 | 6 | 12 | 63:57 | 54 |
| 7 | Aston Villa | 34 | 16 | 6 | 12 | 46:42 | 54 |
| 8 | Brighton | 31 | 15 | 7 | 9 | 61:40 | 52 |
| 9 | Brentford | 34 | 12 | 14 | 8 | 52:44 | 50 |
| 10 | Fulham | 33 | 13 | 6 | 14 | 45:45 | 45 |
| 11 | Crystal Palace | 34 | 10 | 10 | 14 | 35:45 | 40 |
| 12 | Chelsea | 32 | 10 | 9 | 13 | 30:35 | 39 |
| 13 | Bournemouth | 34 | 11 | 6 | 17 | 36:64 | 39 |
| 14 | Wolves | 34 | 10 | 7 | 17 | 29:50 | 37 |
| 15 | West Ham | 33 | 9 | 7 | 17 | 37:47 | 34 |
| 16 | Leeds | 34 | 7 | 9 | 18 | 43:67 | 30 |
| 17 | Nottingham F. | 34 | 7 | 9 | 18 | 30:62 | 30 |
| 18 | Leicester | 33 | 8 | 5 | 20 | 44:57 | 29 |
| 19 | Everton | 33 | 6 | 10 | 17 | 25:50 | 28 |
| 20 | Southampton | 34 | 6 | 6 | 22 | 28:60 | 24 |
