Farvæl Sjálvstýris­flokkurin

Carl August Arge, x-limur í Sjálvstýrisflokkinum


Eftirsum eg havi verið val­evni fyri hendan flokk, og í tí sambandi alment havi biðið fólk um at stuðla flokk­inum, haldi eg tað vera rætt­ast, al­ment, at boða frá, at eg ikki longur stuðli hesum flokki og tíans­heldur viðmæli øðr­um at gera tað.
Tann aktuella grundin er floksins støða í diskrimina­tiónsmálinum. At flokkurin atkvøður ímóti at verja fólki móti diskriminatión vegna kynsligan samleika meti eg vera í beinleiðis anstøðu við stevnuskrá flok­sins. Har stendur greitt, at flokkurin er ímóti øllum mannamuni og allari happing.
Vit eru fleiri sum leingi hava roynt at fingið eitt orða­­skifti í flokkinum um hetta mál  tó uttan úrslit.
Eg meinti, ta tíð tað var, at Sjálvstýrisflokkurin var ein frælslyntur sosial-liberalur flokkur við ein­um opnum og livandi innan­floks orðaskifti. Í dag má eg ásanna, at flokk­urin, við núverandi formanni, er ein ultra konservativur flokkur við nærum ongum innanfloks orðaskifti.
Eg veit, at ein stórur part­­­ur av limunum í Suður­streym­oyar Sjálv­stýrisfelag eru vónsvikin av flokkinum í hesum máli og tí vantandi orðaskiftinum um eym mál í flokkinum.