Fríggjadagin 9. mars var samkoma í hølunum hjá Farpack á Hálsi í Havn. Hetta var í sambandi við, at fyritøkan hevur fingið ISO góðkenningina.
Góðkenningin ber í sær, at Farpack hevur fingið staðfest, at fyritøkan lýkur nøkur altjóða krøv. Krøv verða sett til innkeyp, marknaðarføring, søla og flutningur av pakningi og øðrum til fiskivinnuna og annan ídna.
? Vit hava brúkt eitt ár ella meira enn tað til at fyrireika okkum til hesa góðkenningina. Tað ber í sær, at vit hava lýst nakrar mannagongdir í fyritøkuni. T.d. verður lýst, hvat hendir, tá ein kundi bíleggur vøru frá okkum, sigur Líggjas Joensen.
Hesar mannagongdir eru nú góðkendar og lúka altjóða krøv, sambært hesi nýggju góðkenningini.
? Henda góðkenningin skal fyrst og fremst nýtast til at hava eina so góða service fyri kundan sum gjørligt. Henda góðkenningin er góð fyri okkum á tann hátt, at vit mennast sum fyritøka, sigur Líggjas Joensen, ið leggur afturat, at góðkenningin kann nýtast sum eitt atgongumerki inn í oljuvinnuna, um tað kemur uppá tal.
Líggjas sigur, at Farpack saman við Thor Shipping, er fyrsta fyritøkan, sum fær hesa góðkenning ígjøgnum Det Norske Veritas.
