Á hesi útgávuni eru øll tey kendu løgini, sum vit seta í samband við The Faroe Boys so sum: "Sweet little sixteen", "Barbara Allen", "Tú og eg á ástartingi" og "Vit fáa tevatn og breyð" - í alt 11 væl kend løg.
Manningin í The Faroe Boys á hesi útgávuni eru:
Kári, Jógvan, Robert, Bjarni og Jógvan Sofus.
Í fløguhúsanum skrivar Simme "Hetta eru upptøkur av The Faroe Boys, slóðbrótarar í popp-musikki í Føroyum. Upptøkurnar vóru gjørdar í apríl 1967, beint áðrenn teir góvust at spæla saman og fóru hvør til sítt.
? Mong eru, ið minnast tær hugnaligu løturnar, tá ið teir frá pallinum í Sjónleikarhúsinum og aðrastaðni sungu og spældu seg inn í hjørtu okkara, og mín vón er, at henda fløgan skal varðveita minnið um teir fyri okkum, skrivar Svend Højgaard frá Plátufelagnum Tutl í tíðindaskrivi.
