Hesin peningur skal nýtast til arbeiðsætlanina hjá felagnum fram til endan av 2009, sum millum annað fevnir um at:
bora 26 brunnar frá 2007 til endan av 2009,
virðisøkja og útbyggja verandi loyvir,
framhaldandi at gera handilsavtalur innan leiti- og metingarloyvi á kjarnuøkjunum hjá felagnum,
skunda undir vakstrarætlanirnar í Noregi,
gjalda nakrar av handlunum, sum felagið just hevur gjørt,
framhaldandi at søkja um fleiri leitiloyvi.
Av teimum 26 brunnunum, sum ætlanin er at bora, verða 3 í 2007, 10 í 2008 og 13 í 2009.
Faroe Petroleum hevur, tey seinastu árini, ment seg frá at vera eitt leitifelag við tveimum føroyskum loyvum, til eitt altjóða oljufelag við framleiðslu, útbyggingarverkætlanum, metingarloyvum og leitiloyvum; felagið samstarvar við fleiri av heimsins størstu oljufeløg í norskum, føroyskum og bretskum øki, og er trið størsti loyvishavari á Atlantsmótinum.
Við 25 starvsfólkum í 3 londum og hesi kapitalhækkanini, eru sera góðir vakstrarmøguleikar hjá felagnum tey komandi árini.
Stjórn og nevndarlimir hava eisini keypt partabrøv í sambandi við kapitalhækkanina.
