Tíðliga í morgun stoyttu tvey farmaskip saman einar 20 fjórðingar vestan fyri Hirtshals. Danska sjóverjan sigur, at annað skipið, sum er skrásett í Hong Kong, hevur fingið eina sjey metrar langa rivu. Sjógvur er komin í skipið, og tað hevur fingið slagsíðu.
24 mans eru við skipinum, og teir hava latið seg í bjargingarbúnar, og skip liggja hjá, um manningin noyðist av skipinum, sigur sjóverjan.
Hitt skipið, sum er eitt týskt bingjuskip, fekk bara eina buglu á stevnið, sigur SOK.
